سيدة تطلب «الطلاق»: «متجوز عليا بنت عمي من 6 سنين.. وعرفت بعد وفاتها» – إليكم التفاصيل

وتروي الزوجة: «كنت أنا وهي زي الأخوات طول عمرنا ومن حوالي 8 سنين حصلت مشكلة كبيرة بين نادية الله يسامحها وجوزها لأنه كان بيضربها دايمًا وطلبت الطلاق وغضبت عندي وبعد كام يوم جوزي ادخل عشان يصالحهم لكن ركبت دماغها وفعلا اطلقت وفضلت عندي شوية وراحت عند بيت أخوها بعد كدا وفضلت علاقتنا عادية لحد ما ماتت في حادثة من كام شهر وبالصدفة وأنا في العزا بتاعها لاقيت واحدة من الجيران بتحكي وبتشاور على جوزي إنه قاعد في العزا ولا على باله إن مراته ماتت.. اتجننت قولت لها جوز مين قالت لي جوز نادية.. اتصدمت ازاي نادية بنت عمي متجوزة جوزي.. في الأول قولت ست مجنونة لكن بعد العزا روحت سألت على عنوانها اللي كانت عايشة فيه وسألت بنتها اللي أكدت لي إن أمها كانت متجوزة جوزي عرفي».