اخبار المنوعات

أحمد حسن يوجه رسالة إلى ريهام سعيد: «راجعي نفسك وحاولي تعتذري»



وجة كابتن أحمد حسن، عميد الكرة في العالم، رسالة عبر حسابه الرسمي على موقع «فيس بوك»، إلى المذيعة ريهام سعيد، بشأن رأيها في «الناس التخينه» على حد قولها، ووصفهم بـ «ناس ميته وعبء على أهلها».

وقال «حسن»: «الأستاذة ريهام سعيد خرجت علينا وقالت بالنص: الناس التخينة ميتة، عبء على أهلها وعلى الدولة، وبيشوهوا المنظر.. منظرك بيكون مش حلو وأنت بالعباية أو الجلابية ومش قادرة تمشي، بتفقدي جزء من أنوثتك».

وتابع «حسن»: «بصي يا ريهام هكلمك عملي وبدون تنظير.. شايفه الست القمر السمينة دي! تبقى أمي وفي زيها ملايين من أمهاتنا واخواتنا العظيمات اللي جابوا رؤساء وعلماء ومبدعين ورياضيين وفنانين وإعلاميين للأسف انتي واحدة منهم وناجحين في كل المجالات في البلد.. الناس دي تعبوا وشقيوا وعرقوا واشتغلوا وقعدوا على ولادهم وعلموهم وحاجات كتيرة في مشوار الحياة، الأمهات دول بركة حياتنا وكفاية دعوة واحدة بس منهم تريح القلب وتفتح الأبواب المقفولة.. الناس دي اللي انتي متعرفيش عنهم وعن ظروفهم حاجة انتي اتكلمتي عنهم بسوء لأنك باختصار معرفتيش قيمتهم ولا هتعرفيها لأن الناس اللي وصفتيهم بالميتة دول مبيموتوش حتى ولو رحلوا عن الدنيا لأننا بنعيش بكل حاجة حلوة علموها لينا وسابوهلنا وبيسبوهلنا».

وختم عميد الكرة في العالم كلماته بـ «يا ألف خسارة على الإعلام اللي بدل ما يعلم وينصح ويقدم رسالة محترمة بقى يسخر وينظر على الطيبين اللي فاضلين في حياتنا.. نصيحة لوجه الله على الملأ زي كلامك ما كان على الملأ.. راجعي نفسك وحاولي تعتذري لكل الناس اللي زعلتيهم جايز يسامحوكي».

أحمد حسن يوجه رسالة إلى ريهام سعيد: «راجعي نفسك وحاولي تعتذري»

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق