اخبار الصحف المصريةاخبار مصرالأخبار المصريةتحقيقات وملفات

السيسي: “بناء الدول أمر مش بسيط ومش ببلاش ده بفلوس كتير”




كتب- يوسف عفيفي:

قال الرئيس عبدالفتاح السيسي، إن بناء الدول ليس أمرا سهلا، ويحتاج إلى ضخ الأموال الكثيرة قائلا: "الحلول الحقيقة لبناء دولة أمر مش بسيط ومش ببلاش ده بفلوس كتير، والطريق القديم بجنوب سيناء كله يربط المدن بعضها البعض، وذلك بقيمة 5.30 مليار جنيه عشان الطريق يخرج بالشكل ده".

وأضاف السيسي خلال افتتاح عدد من المشروعات التنموية في نطاق محافظتي السويس وجنوب سيناء، أن السنوات الماضية شهدت الحديث عن جنوب سيناء كثيرا، و "بحب أقول إن لازم نجيب كل الحوادث والسلبيات الموجودة هناك في الطريق القديم ونحطها قدام الناس في الطريق الجديد خلال الـ10 سنوات ونقولهم إن الطرق دي بتكلفنا الملايين".

وأوضح: "لما جينا نعمل ده كل المشاكل الموجودة في الطريق القديم، شوفنا السيل بيمشي ‘زاي، بحيث إن أي سيل يحصل للمناطق الجبلية هيجي على الطريق الجديد ثم إلى البحر من غير مشكلة".

وأضاف: "السبع مناطق اللي قال عليها وزير الإسكان، هم لست محطات رسوم ودي مناطق حماية بقولها للناس وبأكدلهم إن في 7 مناطق أول نقلة في عيون موسى والأخيرة في شرم الشيخ، وفيها قوات من الجيش والشركة تفتتنش عشان يبقه في سيطرة للدولة على جزء كبير من أرضها في جنوب سيناء".

وتابع: "وزير الإسكان الدكتور عاصم كان عايز يفتتح المشروع على مراحل، لكن ‘حنا مش بنفتح مراحل ‘حنا بنفتح طرق، وهنعمل طريق تاني لنفق أحمد حمدي إلى طابا بمسافة تبلغ نحو 350 كيلو متر بنفس المواصفات الموجودة في الطريق الجديد، وذلك خلال منتصف العام المقبل".

وتابع: "مفيش حد أعطى لسيناء الاستثمارات الكافية، الدولة المصرية خلال الـ 5 سنوات حطت استثمارات هائلة وليست مرتبطة بعدد السكان بل مرتبطة بالأمن القومي، وبالتالي لا يمكن أيضا نستثمر بدون أمان واستقرار، واللي بيتعمل في سيناء مجموعة على بعض ممثلة في (طرق وأنفاق ومصانع ومساكن وغيرها من المشروعات الأخرى بتكلفة بلغت نحو 800 مليار جنيه، أي ما يقرب من تريليون جنيه".

وتابع: دي خطة قومية للطرق موجودة في الدولة قبل ما نيجي والفكرة اننا بنعملها وليست توجيهات جديدة، وبقول الكلام ده عشان الناس تعرف إنه كلام مش وليد مرتبط وجودنا أو وجودي أنا في الوظيفة دي.. دي دولة كانت بتشتغل وإحنا قدرنا ناخد جزء من المخطط ده ونعمله".​

المصدر: مصراوي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: هذا المحتوى محمي من النسخ !!
إغلاق