اخبار المنوعات

أشعار أحمد مدين: آمـــن بجهــلك..



جهلك ده لازم يبقى فيك وكأنه مبدأ..

ساعتها بس.. صدق في نفسك كلمتك..

ساعتها ممكـــن بس تبدأ..

معرفتك دى دايمة لحد إمتى؟؟

ولإمتى تقدر ترفعك لفووق ولا تغرق!!

بحور الكلام في العلم ياما..

نزل عيونك بس فيه تتفرق!!

آمن بجهــلك- إنت مين؟؟

من إمتى حد اتعلم بجد وحاسس إنه يفرق؟!

من إمتى حد قصاده ميــح؟؟

شاف اللى حوله من المديح.. إلا وصدق؟!

شيطانه وهمــه.. علا قيمته قصاد خياله..

وهو ولا دارى بحاله ولا حط منطق!!

عدوك إنت جوا منك.. خلى بــالك منه

واوعى أبدا تسمعله.. قلق!!

إنت فيك البوصلة.. قلبك هو الرسول

خلى في عينيك القبول.. سابق هتلحق!!

كل ما تكون كلمتك نابعة منك تسندك..

وإيـــاك تصدق..

إنك إنت مفتاح نجاحك.. لأ قول

إن ربك هو اللى جاعل فيك القبول.. قادر بيخلق

سبحانه جعلك إنت أهوه؟!

من شىء ضعيف لعدو مبدأ!!

قادر بتوصف للناس طريق والكل سامعك

منصتك.. الكل شقشق..

بكلامه هو اللى زرعه فيك..

صرت واحد حى فيك.. قادر يعلق..

والرأى جواك كونه!!

العقل هو اللى تمنه.. وبفيضه غرق..

الحمد لله.. قولها دايما وافتكر

عمر علمك ما كان كتير؟؟َ!!

مهما كنت عالم قووى أهوه قول بترزق!!

مهما كنت الخضر.. موسى هو الرسول؟!

مهمــا كنت قادر تقول!!

متقولش أعرف ولا تتلألأ..

لأ دى فيه في الكون علــوم ولا يعلم حد بيها

ويمكن بعد موتــك يظهر فيك إنك مقلق..!!

خليك صغير متدارى وسط عقول كبار

واوعى تبقى كبير قوى.. تتغر أووى.. ولا تبرق

عادى نفسك قبل ما ييجى اللى يعاديها

اغطس لتحت في بحر مليان من الحيتان

مسيرك هتعلى وتطفو لما الكل يغرق!!

جهلك ده لازم يبقى فيك وكأنه مبدأ

عمر علمك ما كان كتير!!

مهما كنت عالم قووى أهوه قول بترزق!!.

المصدر: المصري اليوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق