أخبار دوليةأخبار عربية ودوليةاخبار مصرالأخبار المصريةطب وصحةعالم حواء

نائب مدير مستشفى النجيلة: الأمر مرعب.. وعدم تخوين الأطباء الحل لتجاوز المرحلة


علق الدكتور محمد علام، نائب مدير مستشفى النجيلة للعزل، على حالة الغضب التي تجتاح الطاقم الطبي بالمستشفيات وخاصة بعد وفاة عدد من زملائهم بسبب الإصابة بفيروس كورونا المستجد كوفيد- 19، وقلة الرعاية الصحية التي يجدونها، مطالبًا بعدم تخوين الأطباء والوقوف بجوارهم.

وقال الدكتور محمد علام في تدوينة له عبر الفيس بوك: "أنا من أول حالة وفةه لطبيب وقلت إن إصابة ووفاة الأطباء ومقدمي الخدمة الصحية عامة شىء مرعب.. لأن ليه تأثير نفسي على كل اللى حوليه من زملائه لأساتذته لتلاميذه".

وأضاف: "الطبيب فى حياته بيكون قريب من زملائه أحيانا أكثر من أسرته وبيشوفهم اكتر من أهله.. نفس ظروف العمل ونفس الخطر لما يلاقى زميله بيموت وخصوصا لو صغير السن من حقه إنه يخاف ويزعل.. يزعل على فراق زميل قضى معاه سنين طويلة ويخاف على نفسه وعلى أهله".

وتابع علام: "إحنا بشر ولينا أهلنا اللى بنخاف عليهم فتخيل لما زميل لينا ينقل العدوى لأهله هيكون خوفنا ازاى.. العدوى موجودة وانا بايدى اللى دخلتها بيتى بسبب شغلى من حقنا الخوف ومن حقنا كمان الخوف على أسرنا".

اقرا ايضا:

تعافي ٦ حالات جديدة من كورونا أول أيام العيد بمستشفى النجيلة للعزل

وقال: "فى دول أوربا وأمريكا عدد حالات الانتحار بين الأطباء بسبب الضغط النفسي منذ بداية جائحة كورونا زادت جدا لارقام اضعاف الطبيعي فى الوقت ده لكن احنا مؤمنين وعمرنا ما هننتحر لكن البديل بيكون الغضب".

وأضاف: "الحل مننا كلنا نحتوى الغضب ده محدش هيكسب من انشقاق الصف اللى بيحصل كلنا صف واحد فى وجه الوباء والمرض.. من باب أولى بدل الشتيمه والتخوين والترهيب اننا نحتوى الغضب ده وندعيلهم ربنا يثبتهم ونحاول نساعدهم يتخطوا الفترة دى".

وتابع: "زى مافى آلاف الناس اللى عماله تشتم الأطباء دلوقت فى غيرهم عمالين يشجعوهم ويخففوا عنهم الدعم المعنوى شئ مطلوب.. رسالتى للناس المحترمة بلاش نشير بوستات تشتم فى الاطباء ونقول خونه لان محدش هيسيب شغله انا متأكد من كده احنا مسبناش شغلنا كل السنين اللى فاتت هنسيبه دلوقت لكن دى لحظة غضب لازم نحتويها مش نزودها وفى اللحظه دى فى مئات الالاف من مقدمى الخدمة الصحية فى كل مستشفيات مصر بيادوا واجبهم".

واختتم قائلاً "بالأمس مع خبر وفاه زملائنا عرفت خبر اول حالة بقريتى وسط اهلى وناسي واصحابى استقيل واروح فين ؟! الحل هو المطالبة بتحسين الظروف وتكون بطريقه صح اللى بيحصل خطأ وبيسبب الرعب للناس الغلابه لما يسمعوا ان فى اطباء بتقول هتستقيل هيترعبوا ليهم مين بعد ربنا غيرنا ؟! والرعب فى الفتره دى والله العظيم اسوأ من المرض ومش بيساعد بالعكس المريض لو اصابه الرعب حالته بتسوء".

محمد_علام المصدر: فيتو

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: هذا المحتوى محمي من النسخ !!
إغلاق