اخبار الفن

أحمد سعد يتسبب في بكاء عروس وتركها حفل الزفاف .. ماذا حدث؟ – إليكم التفاصيل


كتب- عبد الفتاح العجمي

تسبب الفنان أحمد سعد، في بكاء عروس أحيا حفل زفافها مؤخرا بسبب أغنيته “بحبك يا صاحبي”.

ونشر سعد، صورا من الحفل عبر حسابه على موقع “إنستجرام”، وعلّق: “كنت بغني في فرح، ولكن الفرح كان مليئا بالبكاء، بدأت بأغنية (كل يوم) والناس مبسوطة، وبعدها بغني أغنية (بحبك يا صاحبي) قاموا الناس جريوا عليّا بسرعة وقالولي لأ ماتغنيش أغنية (بحبك يا صاحبي)، ماتغنيش (بحبك يا صاحبي)”.

أضاف: “مافهمتش في إيه؟! فماغنتش (بحبك يا صاحبي)، والعروسة قامت بتعيط وجريت بعيد عن الفرح! فغنيت أغنية تانية قامت العروسة قامت تاني وعيطت وسابت الفرح! مكنتش فاهم في إيه؟! طب أغني إيه؟!”.

تابع: “المعازيم قالولي معلش لأن هي بتحب أبوها جدا وأبوها كان بيحبك حب غير عادي وأنت بالنسبة له أهم حد وكل الأغاني بتاعتك لها ذكريات مع أبوها.. وهي كانت بتغنيله (بحبك يا صاحبي)، لو هو موجود دلوقتي كان أول حد هايجيبه يغني في الفرح كان هيكون أنت، ومش العروسة هي اللي جابتني الفرح”.

اختتم: “العروسة في الفرح طول الوقت تبصلي وتفتكر أبوها وتعيط، العروسة دي علمتني يعني إيه بنت بتحب أبوها وإن الحب ده قد إيه حقيقي وصادق ونقي وإن الأب ده كان راجل طيب وأب حنين علشان يتغناله من بنته (بحبك يا صاحبي).. الله يرحمه”.

زر الذهاب إلى الأعلى
error: هذا المحتوى محمي من النسخ !!