اخبار الفن

«البكيني وترشحها لمجلس النواب وخلافها مع مرتضى منصور»… أبرز الأزمات في حياة سما المصري


منذ الوهلة الأولى، وعند الحديث عن الأزمات كان لابد وأن يتم وضع اسمها ، إنها الراقصة “سما المصري”، تلك الراقصة التي دائمًا ما تثير الجدل على مواقع التواصل الاجتماعي، لذا رصدنا أبرز الأزمات التي مرت بها سما منذ ظهورها وحتى الآن.

1- أزمة ترشحها لمجلس النواب:

ففي عام 2014، فجرت سما مفاجأة من العيار الثقيل، حيث أعلنت عزمها الترشّح للفوز بمقعدٍ في الإنتخابات البرلمانيّة عن ذات الدائرة التي ينتمي إليها الرئيس المعزول محمد مرسي.

وعلقت سما على هذا الأمر قائلة، إن اعتزامها الترشح في البرلمان كان بغرض حماية أهلها وأقاربها من سيطرة الإخوان، إلّا أنّ المحكمة الإداريّة العليا قامت باستبعادها على أساس عدم تحلّيها بالصفات الحميدة اللازمة في الفرد عموماً وفي عضو مجلس النوّاب بصفةٍ خاصة.

سما المصري

2- أزمة البكيني:

أثارت سما أزمة جديدة وذلك عقب أن كتبت الراقصة على موقع التواصل إنه في حين فوز المنتخب المصري وذهابه للمونديال في روسيا بأنها ستنزل إلى شارع جامعة الدول العربية بالبكيني.

ونفت سما المصري هذا الخبر وأكدت أنها لا تملك حساباً إلا على “إنستجرام”، قائلة :”يا جماعة أنا في ستاد برج العرب كنت بتفرج على الماتش، وماعرفش حاجة عن موضوع جامعة الدول العربية ده، عيل سيس منتحل صفتي على “تويتر” و”فايسبوك”.. المهم مبروك لمصر”.

سما المصري

3- الخلاف مع مرتضى منصور والحبس:

كان الخلاف مع رئيس نادي الزمالك ، المستشار مرتضى منصور هو الأكبر ع الإطلاق ، حيث تسببت قناة “فلول” بأزمةٍ كبيرةٍ بين سما المصري وبين مرتضى منصور، وذلك بعدما بثّت أغنيةً سخرت فيها منه، فتوعّد بدوره بإغلاق القناة، وحبسها.

سما المصري ومرتضى منصور

وبالفعل، وفي ٢٠١٥، صدر الحكم بالحبس ستة أشهر ودفع كفالة ألف جنيه وغرامة 10 آلاف جنيه، في قضيّة سب وقذف رئيس نادي “الزمالك”، فخرجت المصري لتعتذر في فيديو مسجّل، وفي إعلانٍ مدفوع الأجر في واحدةٍ من الصحف المصريّة.

اعتذار سما للمستشار مرتضى

4- أزمتها مع شيرين عبد الوهاب:

وعقب سخريةالفنانة “شيرين عبد الوهاب” خلال إحيائها حفل بلبنان من إحدى المعجبات، عقب مطالبتها بغناء «ما شربتش من نيلها»، لترد عليها: “هيجليك بلهارسيا»، وهو ما أثار حفيظة الجمهور ضدها، بمن فيهم «سما» التي قالت بحقها: «الله يرحم أيام الكحرتة”.

سما المصري وشيرين عبد الوهاب

ومن ثم قررت نقابة المهن الموسيقية وقف “شيرين” وإحالتها للتحقيق لما بدر منها، لتسارع «سما» بنشر صورة القرار عبر «انستجرام»، وتعرب عن شماتتها بشكل واضح: «قرار إيقاف شيرين عبدالوهاب في نقابة الموسيقيين، أنا ماليش دعوة هم اللي قالوا لي، برضو أنا بتاعة الكلام دا أنا كنت طول عمري جامده.. نيهااااا.. بصراحة شمتانة عشان مصر أخدت حقها».

ان كنتوا نسيتوا اللي جري….الله يرحم ايام الكحرته…. الاخت الفنانه شيرين في واحده في حفله طلبت منها اغنيه((ماشربتش من نيلها)) فردت عليها وقالت لها((هيجيلك بهارسيا)) اشربي مياه((ايفيان احسن)) ودا نوع مياه معدنيه اجني والكلام دا موجود في فيديو مش من عندي.دي صوره الاخت الفنانه شيرين ايام ماكان عندها بهارسيا ايام ماكانت بتشرب من ميه النيل قبل ماتتعلم انجليزي وتعرف تقول اسم الميه المعدنيه بالانجليزي……اللهم يرحم كنتي زمان فاكره الليبتون دا رئيس امريكا وكنتي فاكره الكريسماس دي ايس كريم انتي اللي قلتيلي كده فاكره؟؟…….بصي انا مش هقولك مصر اللي عملتك ولا مصر اللي نضفتك ذي ناس كتير ماهتقولك كده لا سمح الله لا انا هقولك ميه البلهارسيا دي بتاعت مصر…عارفه يعني ايه مصر ولا مش عارفه ؟؟هي الميه دي اللي خلتك شيرين والعيب مش عليكي العيب ع اللي لسه بيقول عليكي فنانه ونجمه وانتي طايحه في خلق الله مره عمرو دياب ومره شريف مدكور وصوتي لعساف ضد احمد جمال ابن بلدك…بصي يابنتي انا عارفه انك بتحبي لبنان عشان ماعندهمش بلهارسيا زينا ريحنا منك ومن طوله لسانك علي الناس وعلي مصر اللي بقي يقل ادبه حتي علي مصر اللي ربتك انتي وعيلتك كلها وروحي عيشي في لبنان والله هنكسر وراكي زير…..بلد البلهارسيا ماتنفعش تعيش فيها واحده ذيك بتاعت ميه معدنيه وفساتين براندات وبارفانات وحاجات سيبي دا للغلابه…….فاكره مطعم الهابي دولفين في المنيل اللي نصر محروس اخدك منه وانتي بتغني هناك بالشبشب ابو ورده؟؟ لسه موجود المطعم ويشهد انك كنتي مش لاقيه حتي تشربي ميه البلهارسيا لا انتي عارفه كنتي بتشربي ميه ايه….ايوه هي الميه الصفرا دي هي دي للي كنتي بتشربيها اللي كلها املاح دي……دي فعلا اللي تليق ليكي….ياتروحي لبنان …ياترجعي تشربي الميه الصفراء المملحه ….ياتعتذري لمصر…مصر اللي عملت منك فنانه وتعتذري للمصريين كلهم….ملعون ابو الشهره ياشيخه اللي نستك اصلك واهلك وبلدك….يلعن ابو الاحداس…..دا انتي مفيش دم ولا احساس ولا اي حاجه…..مصر بتمسي عليكي بصورتك القديمه دي وبتقولك اوعي تنسي نفسك لانك لو نسيتي المصريين مابينسوش يابتاعت الميه المعدنيه….سبحان العاطي الوهاب بعد الشبشب والقبقاب يابنت عبد الوهاب………….غوري باه لو مش عاجبك البلهارسيا عشان انتي ماتستحقيش تقعدي ف مصر…طبعا الحبيبه هيقولوا لي بصي للبسك الاول…ايوه ايوه بالبس كل حاجه وحشه في نظركم بس لا اهين بلدي واللي يهين بلدي اقطع له لسانه حتي لو اه ياليل…ليل اسود ياشيخه عليكي لما تتريقي علي بلدك…اخسسسسس ع الفلوس اللي بتغير النفوس.

زر الذهاب إلى الأعلى
error: هذا المحتوى محمي من النسخ !!