اخبار الفن

زينة تقع في «فخ» العصبية بسبب «الرجالة».. «مخلوقات خاينة.. وبخاف الناس تعرف أمي»


زينة مثال للفنانة القوية التي لا تقبل الهزيمة بسهولة، وترفض أن تتملكها مشاعر الإحباط واليأس مهما كانت الأزمات قوية، وأزمتها الأخيرة مع الفنان أحمد عز، خير مثال على ذلك، إذ تتمتع بشخصية قوية صارمة في مواقفها وأرائها مهما كانت غريبة، ولا تسمح لأحد بفرض سيطرته عليها، ولكنها كانت ضحية لمخطط، المهمة الرئيسية فيه هو محاولة إثارة الشخصية العصبية بداخلها، وذلك خلال برنامج «قعدة رجالة» على قناة «دي أم سي»، والذي يقدمه الثلاثي باسل الخياط وأحمد فهمي وكريم فهمي.

علاقتي بالسوشيال ميديا «زيرو»

قالت زينة إنها ليست نشطة على مواقع التواصل الاجتماعي، مؤكدة أنها لا تملك سوى صفحة واحدة على موقع «انستجرام» مضيفة: «علاقتي بالسوشيال ميديا (زيرو)، وواحدة صاحبتي هي اللي عملت لي حساب على انستجرام، الأبلكيشن ده عجبني عشان تافهة، وأنا مش بحب السوشيال ميديا ولو دخلت على المواقع دي بتكون تسلية».

بخاف الناس تعرف أمي

أضافت زينة، أنها تحب الرياضة ولكنها لا تمارسها منذ فترة طويلة، متابعة: «أنا بحب السباحة وكرة القدم وكنت بلعبهم وأنا صغيرة، وأنا بشجع الزمهلاوية، زي المطرب عبد الحليم حافظ».

وتحدثت عن والدتها، قائلة: «ماما بقت تندهلي وأنا معاها في البيت بالتليفون، وهي معذورة؛ لأنها طول الوقت لوحدها، ومافيش حد معاها في البيت.. هي ماعندهاش حاجة غير إنها ترد على الناس اللي بيعلقوا على صفحتي في السوشيال ميديا، وبخاف إن الناس تعرف إنها أمي، ويضايقوها بالكلام».

هجوم على الخياط

رفضت الفنانة زينة، رأي باسل الخياط الذي يرى أن «حرية الست في البيت مش على السوشيال ميديا»، قائلة: «أنت لو كده تبقى انتهيت يا راجل.. فيه حدود لاستخدام الزوجة السوشيال ميديا، والزوجة هي اللي تضعها لنفسها.. أنت متشنج زيادة عن اللازم، وفاهم حرية الست غلط، أنا عارفة ناس عاملة جروبات على السوشيال ميديا وعاملين الرجالة كده (عاملينكم بوكسرات)».

«الرجالة مخلوقين ضعاف»

ترى زينة، أن تواصل الزوج مع نساء أخريات على مواقع التواصل الاجتماعي من أجل التسلية تعتبر «خيانة»، موضحة: «الرجل ضعيف وسهل والست صعب تعمل كده، ولو عملت ماتبقاش كويسة»، مستكملة: «الرجالة مخلوقين ضعاف.. أنا مش مع فكرة نعنشة الراجل على السوشيال ميديا».

«مش كل الرجالة كويسين»

هاجمت زينة، مجددًا باسل الخياط، قائلة: «إنت بتتحامل على نفسك ليه؟ تفكيرك كله غلط، والسوشيال مش حاجة كويسة للراجل والست.. وشغل الزوجة في البيت أصعب عليها من أي عمل آخر، ولازم تبقى عارف إن الزوجة مش شغالة في البيت، والفلوس اللي بتديلها اسمها مصروف البيت»، مؤكدة: «مش كل الرجالة والستات كويسين، بس النسبة الكبيرة موجودة في الرجالة».

مواصفات الزوج المثالي

عن مواصفات الزوج المثالي لدى زينة، تحدثت:«أبحث عن رجل بمعنى الكلمة، وليس بمعناه الذكوري، ومش كل البنات بترى في والدها الزوج المثالي، أما أنا فوالدي كان طيب وهذه حالة لا تتكرر».

وفي النهاية علقت الفنانة زينة على الحلقةا، قائلة: «البرنامج يعصب الواحد، بس في النهاية اكتشفت إن الحوار لعبة، وإن ديه مش شخصياتهم الحقيقية، وأرى أن مواقع السوشيال ميديا مش مبرر لأي حد إنه يخون، ولكنها وسيلة سهلت كثيرًا من حدوث هذا الأمر».

علي صعيد آخر، قال الخياط: «زينة شخصية قوية جدًا، وعارفة هي بتعمل إيه، ولديها قدرة كبيرة على التحكم في نفسها وانفعالاتها بشكل رهيب، وكانت قادرة على هدم أي شيء أقوله في كلمة واحدة».

زر الذهاب إلى الأعلى
error: هذا المحتوى محمي من النسخ !!